Фабио Канаваро светскио првак со Италија во 2006 година за италијанските медиуми го коментираше списокот од 30 фудбалери кои конкурираат за Залтната топка.

На спискот има тројца од Серија А, Лаутаро Мартинез и Хакан Чалханоглу од Интер, односно Адемола Лукман во Аталанта.

„Не можете да го доведете во прашање името на Лаутаро на списокот. Ја освои Серија А и Копа Америка. Прави разлика дури и во репрезентацијата. Никогаш нема да ве изневери. Кога ќе помислам на играчи од Серија А кои би можеле да играат за Манчестер Сити и Реал, мислам дека тој е единствениот.“

Канаваро и покрај тоа што играше во одбраната успеа во 2006 година да ја освои Златната топка. Спроед некои прогнози во најтесниот круг за наградата е десниот бек на Реал, Дани Карвахал.

„Карвахал освои се, но дефанзивецот мора да направи извонредни работи за да ја освои Златната топка“, заклучи Канаваро.