Дочекан со скепса, Арне Слот ги надмина очекувањата на англиската јавност и навивачите со резултатите што г бележи со Ливерпул.

Од стартот беше јасно дека Холанѓанецот се соочува со голем предизивк, кога прифати да ја преземе функцијата од Јирген Клоп, еден од најдобрите менаџери во историјата на Ливерпул.

Ливерпул со Слот е лидер во премиер лигата со 28 поени, односно скор од девет победи реми и пораз. Во Лигата на шампионите „црвените“ ги добија сите четири натпревари со импресивна гол разлика 10:1.

Како што пренесува „Сан“, Арне Слот е единствениот тренер во историјата на Премиер лигата од 1992 година кој има 15 победи на клупата во првите 17 натпревари во сите натпреварувања.

Холанѓанецот ги надмина Карло Анчелоти и Жозе Мурињо кои имаа по 14 победи, додека Антонио Конте, Маурицио Сари и Џон Грегори по 13.

Пеп Гвардиола, забележа 11 победи во првите 17 натпревари во Манчестер сити, а далеку подолу на оваа листа е поранешниот менаџер на Ливерпул, Јирген Клоп, кој на првите 17 натпревари имаше само девет победи.

Во европскиот клупски фудбале следува пауза поради репрезентативните натпревари, а по паузата Ливерпул ќе гостува во Саутемптон во лигата, потоа ќе го пречека Реал во Лигата на шампионите, па му следува дербито во Премиер лигата против Манчестер сити и гостувањата кај Њукасл и Еветон.