Новак Ѓоковиќ продолжи да соборува рекорди. Во неделата, тој го победи Јаник Синер со 6:3, 6:3 во финалето на завршниот Мастерс во Торино и ја освои рекордната седма титула на овој настан.

Цела серија рекорди собори српскиoт тенисер, а сега важи и за тенисер со најголема вкупна заработка во текот на кариерата.

Ѓоковиќ со освоените 4,4 милиони долари против Јаник Синер ја надмина бројката од 180 милиони долари.

Тој е првиот тенисер кој досега надминал 180 милиони долари заработка во кариерата.

Зад него е Рафаел Надал со заработка од 134.640.719 долари. Трет е Роџер Федерер со 130.594.339 долари, а потоа следат Енди Мареј (64.246.026 долари), Пит Сампрас (43.280.489 долари).