Главниот град на Црна Гора ќе стане спортски епицентар на регионот на 10 ноември кога ќе се одржи четвртото издание на трката Podgorica Millennium Run. Организиран од Multisport Akademija Mayer под слоганот „Подгорица трча“, настанот и оваа година ќе собере бројни љубители на здравиот начин на живот.

Овој настан, кој од година во година привлекува сè поголем број тркачи од регионот и пошироко, ја позиционира Подгорица како незаменлива дестинација на спортската мапа на Балканот. Погоден за сите генерации и нивоа на физичка подготвеност, им нуди можност и на рекреативците и на професионалните спортисти да ја тестираат својата издржливост на патеките приспособени на нивните можности додека уживаат во динамичната атмосфера и убавите предели на градот.

Настанот започнува на 9 ноември, кога најмалите натпреварувачи ќе имаат можност да се испробаат во детски трки прилагодени на нивната возраст – на дистанци од 200 до 800 метри. Главниот натпреварувачки ден, 10 ноември, е резервиран за поискусните учесници кои ќе се натпреваруваат во дисциплини на 5 км, 10 км, 21.1 км, како и во познатиот маратон на 42.2 км.

Игор Мајер, организатор на трката и основач на Multisport Akademija Mayer, го истакна значењето на овогодинешниот настан и ги повика сите заинтересирани од регионот и пошироко да бидат дел од манифестацијата која го слави спортскиот дух и заедништвото.

„Без разлика дали сте почетник или професионален спортист, Podgorica Millennium Run е совршена прилика да ја тестирате својата издржливост, да уживате во трчањето низ срцето на главниот град на Црна Гора и да бидете дел од големиот тим кој ја дели истата страст. Овој настан нуди патека за секого, па без разлика на вашето ниво на физичка подготвеност, сигурно ќе најдете предизвик кој ви одговара. Затоа – се гледаме на стартот!“ порача Мајер.

Регистрациите за Millennium Run се отворени до 1 ноември, а сите заинтересирани можат да се пријават преку официјалната страница: www.podgorica.run/registracija.

И оваа година, генералниот покровител на манифестацијата е главниот град Подгорица, кој постојано го препознава значењето на овој настан во промоцијата на спортските, но и туристичките потенцијали на Црна Гора.

Медиумските партнери на овогодинешниата Millennium Run се RTCG, Vijesti, CdM, Gradska RTV Podgorica, Pobjeda, Antena M, Portal Analitika, Volim PG, Share Montenegro, Roditelji.me, DRS.

Сите детали, како што се правилата за учество, времето на одржување на поединечните трки и наградниот фонд, можете да ги прочитате ТУКА.