Само уште неколку дена остануваат до затворањето на пријавите за Podgorica Millennium Run – најголемиот спортски настан во срцето на главниот град на Црна Гора.
Во организација на Multisport Академијата Mayer, под слоганот „Подгорица трча“, овој настан на 10-ти ноември ќе ги обедини сите љубители на здравиот начин на живот. Затоа, искористете ја можноста и пријавете се навреме преку официјалниот веб-сајт https://www.podgorica.run/registracija и станете дел од настанот кој ги поместува границите.
Пријавите за Millennium Run се отворени до 1-ви ноември, а учесниците можат да изберат помеѓу неколку трки, приспособени на различни нивоа на физичка подготвеност. Без разлика дали сте рекреативец или професионален атлетичар, трките од 5km, 10km, 21,1km, како и познатиот маратон од 42,2 km, ќе ги исполнат сите ваши очекувања!
Организаторот Игор Мајер, основач на Multisport Академијата Mayer, ги повикува сите заинтересирани да бидат дел од оваа манифестација која го слави спортскиот дух и здравиот начин на живот.
„Полека ги затвораме пријавите за годинешниот Millennium Run и веќе можеме да кажеме дека бројот на учесници ветува многу. Гордост ни е што настанот постојано привлекува тркачи од сите делови на светот, потврдувајќи го својот меѓународен статус од година во година. Затоа, не ја пропуштајте шансата да се регистрирате и да бидете дел од оваа мотивирачка заедница, бидејќи без разлика дали сте искусен тркач или штотуку го откривате светот на трчањето, Подгорица ќе ве пречека со раширени раце“, изјави Мајер.
Тој истакна дека покрај високото ниво на организација, со гордост може да го најават и рекордниот награден фонд од 15.000 евра.
„Најдобрите натпреварувачи ќе бидат дополнително мотивирани да ги надминат своите граници. Освен вредните парични награди, нашите патеки на 10km, 21km и 42km се носители на AIMS/IAAF сертификат, што значи дека се измерени и сертифицирани според меѓународни стандарди. За регуларноста на натпреварувањето ќе се погрижи стручен тим, а ќе користиме и најсовремена технологија за електронско мерење на времето“, додаде Мајер.
И оваа година, главен покровител на манифестацијата е Подгорица, кој континуирано го препознава значењето на настанот во промоцијата на спортските и туристичките потенцијали на Црна Гора.
Медиумските партнери на овогодинешниот Millennium Run се RTCG, Vijesti, CdM, Градска ТВ Подгорица, Pobjeda, Antena M, Портал Аналитика, Volim PG, Share Montenegro, Roditelji.me и DRS.
Сите детали, како што се правилата за учество, времето на одржување на трките и наградниот фонд, можете да ги најдете ТУКА.
