Саша Обрадовиќ повеќе не е тренер на кошаркарите на Црвена звезда.

Како што објави „Меридијан спорт“, тимот ќе го води Милан Томиќ до крајот на сезоната, на Фајналфор турнирот на КЛС во Ниш (29-31 мај).

Како што се додава, по разговорите меѓу клубот и тренерот, донесена е одлука двете страни да се разделат и да се стави крај на епизодата што заврши со освојување на Купот „Радивој Кораќ“.

Томиќ ги освои титулите во АБА и во српското првенство со Звезда кога работеше како тренер, а минатото лето се врати во клубот и ја презеде функцијата спортски директор.

Обрадовиќ ја напушта клупата на Звезда по неуспехот во АБА лигата и поразот (2-0) од Партизан во полуфиналето од плејофот.

Обрадовиќ го освои Купот на Србија со црвено-белите, а потоа тимот целосно падна во формата во финишот на сезоната. Црвена звезда се пласира во плеј инот во Евролигата, но загуби од Барселона.