Австралискиот тенисер Ник Кирјос одлучи да се испроба на нова работа, бидејќи ќе работи како коментатор и аналитичар на „Тенис канал“.
Кирјос оваа работа ќе ја извршува за време на завршниот Мастерс во Торино, кој се одржува од 12 до 19 ноември.
На завршниот мастерс ќе учествува Новак Ѓоковиќ, кој сега е во одлични односи со Кирјос, а покрај Србинот ќе играат и Карлос Алкараз, Данил Медведев, Јаник Синер, Андреј Рубљов, Стефанос Циципас, Холгер Руне и Александар Зверев.
Nick Kyrgios to Join Tennis Channel as Analyst During ATP Finals November 12-19.https://t.co/FWhuLpX9Co
— Tennis Connected (@TennisConnected) November 7, 2023
Инаку, Кирјос ја пропушти цела сезона, всушност одигра само еден натпревар, поради неколкуте повреди и операции кои ги имаше.
Поради ова, Австралиецот испадна од АТП листата, но неговото враќање се очекува на почетокот на следната година.
Nick Kyrgios, who has only played one match this year due to injury, will be commentating for Tennis Channel during the ATP Finals in Turin next week.
— Ben Rothenberg (@BenRothenberg) November 7, 2023
Многу поранешни тенисери и тренери моментално работат како коментатори и аналитичари, но особено ќе биде интересно да се види Кирјос во оваа улога, со оглед на тоа што неговите изјави и однесување често го привлекуваат вниманието на голем број гледачи и фанови.
