– Првиот НБА турнир во новата сезона ќе заврши со полуфинале и финале во Лас Вегас, јави денеска телевизијата ЕСПН.

Полуфиналните натпревари ќе се играат на 7 декември, а финалето на 9 декември, додека статистиката за турнирот, со исклучок на дуелот за титулата, ќе се води како дел од регуларната сезона.

НБА лигата најави дека в сабота ќе би објави сите детали, а досега е познато дека екипите ќе бидат поделени во шест групи, три по конференции. Во текот на групната фаза, секој тим ќе одигра два натпревари на домашен и два натпревари на гостински терен.

Шесте победници во групите, и две екипи со „вајлд карта“ ќе се пласираат во четвртфиналето.

Играчите кои ќе настапат на турнирот, според американските медиуми, ќе добијат поединечно по 500.000 долари.