Жозе Мурињо повторно успеа да ја надмудри Барселона.

Тренерот на Реал Мадрид го прослави голот на Килијан Мбапе во 87-та минута, против најголемиот ривал со карактеристично лизгање на колена, додека неговиот тим обезбеди исклучително важната победа во трката за титулата во Шпанија.

Реал победи со 2:1 на „Камп Ноу“, а Мурињо на тој начин го продолжи својот импресивен настап во едно од најголемите соперништва во светскиот фудбал, 13 години откако последен пат го водеше „кралскиот клуб“ во Ел Класико.

Португалецот стана третиот тренер на Реал Мадрид кој има серија од шест натпревари без пораз против Барселона.

Во последните шест Ел Класика во кои го водеше Реал Мадрид, тој оствари четири победи и две нерешени резултати.

Пред него, Мигел Муњоз имал таква серија, во периодот од 1962 до 1965 година, и Висенте дел Боске, од 2001 до 2003 година.

Интересно е што пред оваа средба, Реал победил само еднаш во претходните осум натпревари против Барселона, но враќањето на Мурињо на Ел Класико повторно му зададе главоболка на актуелниот шампион.

Екипата на Жозе Мурињо стана првиот тим што ги победил каталонските гиганти во лигата на нивниот реновиран стадион, со што заврши импресивна серија без пораз на домашен терен.

Откако се врати на реновираниот „Камп Ноу“, во ноември претходната година, Барселона не загубила ниту еден лигашки натпревар пред своите навивачи до синоќешното Ел Класико.

Серијата започна со победа од 4:0 против Атлетик Билбао, по што Каталонците остварија уште 17 триумфи.

Во текот на вкупно 18 натпревари, Барселона постигнала дури 58 гола и примила само 11, потврдувајќи колку била доминантна на домашен терен.

Инаку, ова е втор пораз на Барселона на реновираниот стадион, бидејќи минатата сезона, загуби од Атлетико Мадрид (0:2), во четвртфиналето во Лигата на шампионите.

Foto/ Depositphotos