Францускиот капитен Килијан Мбапе испиша историја на Светските првенства, откако со двата гола против Англија во натпреварот за третото место стигна до 22 погодоци на мундијалите и стана најдобар стрелец во историјата на ова натпреварување.

Со тоа го надмина Лионел Меси, кој има 21 гол, но Аргентинецот ќе има можност да ја подобри својата статистика во финалето против Шпанија.

Мбапе до рекордот стигна на 27-годишна возраст, а на актуелното Светско првенство постигна 10 голови. Воедно, стана првиот фудбалер по Герд Милер во 1970 година што постигнал двоцифрен број голови на едно Светско првенство.

Во истиот натпревар, францускиот репрезентативец Мајкл Олисе со две асистенции стигна до вкупно седум на турнирот и го собори рекордот на Пеле за најмногу асистенции на едно Светско првенство.