Менаџерот на Челзи, Енцо Мареска изјави „сините“ не се подготвени да ја освои титулата во Премиер лигата оваа сезона, пренесуваат британските медиуми.

Челзи во неделата на домашен терен го совлада Брентфорд со 2-1 во 16. коло од англиската Премиер лига. Челзи, моментално е на второто место на табелата во Премиер лигата, со два бода помалку и натпревар повеќе од првопласираниот Ливерпул.

„Мораме да бидеме реални. Не се работи за тоа колку победи имаме. Има работи што треба подобро да ги правиме. Затоа се уште не мислам дека сме подготвени да ја освоиме титулата. Навивачите можат да сонуваат, но ние во клубот мора да бидеме реални“, изјави Мареска.

Фудбалерите на Челзи во досегашниот дел од сезоната во Премиер лигата постигнаа 37 гола и примија 19.

„Мислам дека другите тимови, кои знаат да освојуваат титули, не примаат голови како што ние ги примаме“, рече Мареска.

Последен пат Челзи ја освои титулата во Премиер лигата во сезоната 2016/2017.