Николас Лапровитола, кошаркарот на Барселона, се здоби со тешка повреда. Аргентинецот се повреди на натпреварот од четвртото коло на шпанскиот шампионат против Басконија, во поразот на неговиот тим 89:93.
Како што потврдија од Барселона, Лапровитола заработил повреда на предните вкрстени лигаменти и ќе биде надвор од терените во следните 10 месеци, што значи дека ја завршил за сезоната и тоа е лоша вест и за него и за клубот.
Аргентинскиот кошаркар игра за Барселона од 2021 година, веќе има 35 години, а претходно играше за Реал Мадрид, Басконија, Зенит, Хувентуд, Сан Антонио…
„Никола Лапровитола беше успешно опериран и претрпе оштетување на предните вкрстени лигаменти и надворешниот менискус на десното колено. Тој беше опериран во четвртокот во Барселона од д-р Џорди Пујделиво и под надзор на лекарскиот тим на Барселона. За рехабилитација ќе бидат потребни 10 месеци“, објави Барселона.
[𝐂𝐎𝐌𝐔𝐍𝐈𝐂𝐀𝐓 𝐌𝐄̀𝐃𝐈𝐂]
𝐍𝐢𝐜𝐨 𝐋𝐚𝐩𝐫𝐨𝐯𝐢𝐭𝐭𝐨𝐥𝐚 ha estat operat de manera satisfactòria de la lesió que es va fer del lligament encreuat anterior i menisc extern del genoll dret.
La intervenció, que es va realitzar durant la tarda d’aquest dimarts a… pic.twitter.com/wTD5Ly8TTX
— Barça Basket (@FCBbasket) October 30, 2024
