Тони Крос минатото лето реши да замине во пензија. Последниот меч во кариерата го одигра во дресот на националниот тим, на ЕП, кога во четвртфиналето Германија загуби од Шпанија (1.2).

Тони Крос е убеден дека Реал Мадрид оваа сезона повторно ќе ја освои Ла Лига. Покрај Реал, во борба за трофејот се и Атлетико Мадрид и Барселона, но за легендарниот Германец нема дилема кој прв ќе мине низ целта.

„Реал Мадрид ќе ја освои Ла Лига. Не се сомневам во тоа“, рече Крос и продолжи: „Ќе се води битка за второто место меѓу Атлетико и Барселона. Верувам дека Атлетико ќе ја добие таа битка“, вели поранешната ѕвезда на Реал.

Легендарниот Германец не ја испушти можноста да испрати провокација на адреса на Барселона. На Каталонците им порача дека победите над Реал не се трофеи.

„Барселона како и обично ќе ги слави победите над Реал, но искрено тоа не е трофеј. Ако сакаат да бидат на високо ниво, мора да го сменат својот менталитет“.

Погледот на табелата во Шпанија најаваува жестока борба за титулата до самиот крај. Реал Мадрид е прв со 50 бодови, Атлетико има 49, Барселона 48, а не е далеку ниту Атлетик Билбао со 45.