Колапсот на Светското првенство и елиминацијата од Парагвај во 1/16 финалето ги принудија Германците веднаш да го отпуштат Јулијан Нагелсман.

Задачата да ги врати на врвот му е доверена на Јирген Клоп, кого само потписот го дели од првата работа како селектор во кариерата.

Легендарниот тренер на Ливерпул ќе ја преземе репрезентацијата, а познати се и деталите од договорот.

Прашање на денот е кога тој ќе потпише договор до 2030 година, со годишна плата од седум милиони евра, тврдат германските медиуми.

Договорот на Клоп ќе важи до крајот на Светското првенство, кое ќе се организира во Мароко, Шпанија и Португалија за четири години.

Исто така, сигурно е дека Клоп носи со себе докажани соработници.

Во германската селекција, тој ќе работи со долгогодишниот асистент, Питер Кравиц и Пепин Лајндерс, кој го напушти Манчестер Сити во моментот кога Пеп Гвардиола си замина.

Ред Бул нема намера да бара надомест за шефот на фудбалските операции. Во договорот нема клаузула за откуп, само дел за евентуално меѓусебно раскинување.

Сепак, двете страни нема целосно да се одвојат – Јирген Клоп ќе држи две позиции во наредните години.

Тој ќе работи како селектор на Германија, но во исто време ќе биде амбасадор на Ред Бул, што значи дека ќе продолжи да го претставува брендот, само во различна улога.

Нагелсман беше селектор од 2023 година, додека Клоп се враќа на тренерската работа по две години.

Foto/ Depositphotos