Кливленд Кавалирс изминатата ноќ ја забележаа 11 победа од почетокот на сезоната. Кавалирс го бележат најдобриот старт во историјата на франшизата. Тие и понатаму се единствениот тим без пораз во лигата.

Кавалирс ја забележаа 11. победа во исто толку натпревари во ноќта меѓу саботата и неделата над Бруклин Нетс (105:100) и станаа 12. тим во историјата на НБА кој стигнал до скор 11-0.

Еван Мобли блескаше со 23 поени, 10/11 од поле, 16 скока, четири украдени топки, Донован Мичел постигна 22 поени, 4/6 за три, а Дариус Гарланд имаше 20 поени, 8/11 од поле, шест асистенции.

Актуелниот НБА рекорд, според бројот на победи на стартот на сезоната го држи Голден стејт Вориорс. Во сезоната 2015/16, Вориорс ги добија првите 24 натпревари, поставија најдобар сооднос победи-порази пред почетокот на плеј-офот (73-9).