Горан Иванишевиќ во ексклузивното интервју за „Спорт клуб“, вели дека има два актуелни рекорди во тенисот за кои верува дека нема да бидат соборени.

Иванишевиќ, од минатата недела повеќе не е тренер на Новак Ѓоковиќ. Речиси шест години го тренираше Ѓоковиќ и заедно освоија 12 гренс слем титули.

Зборувајќи за Рафаел Надал и некои негови изјави за тоа кој е најдобар на сите времиња, Иванишевиќ имаше само пофални зборови за Шпанецот.

„Новак и Рафа се ривали и заедно со Роџер одбележаа ера. Секако, тука беа и Енди Мареј и Стен Вавринка, како и некои други играчи. Но, Роџер рано си замина, а Рафа се повреди и пропушташа многу турнири. Глупаво е за било што да се обвинува Надал – Рафа е Рафа. Мислам дека има два рекорда во тенисот кои, според мене, практично никогаш нема да бидат соборени. Тоа се 14. титули на Рафа на Ролан Гарос и бројот на недели на Новак на врвот на АТП листата“, рече Иванишевиќ.