Џејмс Харден со пораз дебитирапе за ЛА Клиперс, Бостон Селтикс го доживеа првиот пораз во сезоната, Џоел Ембид постигна 48 поени против Вашингтон, а Индијана Пејсерс до врв го наполнија кошот на Сан Антонио Спарс.
Ла Клиперс доживеаја убедлив пораз во Њујорк 111:97. Харден дебитираше за Клиперси со 17 поени и шест асистенции. Никс ги предводеа Џулиус Рендл со 27 поени и Ар-Џеј Барет со 26 поени.
Индијана Пејсерс во голем стил му ја подарија на тренерот Рик Карлајл 900. победа во кариерата.
Тие го уништија Сан Антонио Спарс со 152:111 со 23 поени на Тајрис Халибартон.
Го следеа Бади Хилд и Оби Таупин со по 19 и Арон Нејсмит и Мајлс Тарнер со по 15 поени.
Даг Мекдермот беше најефикасен кај Спарс со 17 поени, Келдон Џонсон додаде 16, а Зек Колинс постигна 14 поени.
Најпопуларното име на стартот од сезоната Виктор Вембањама погоди само 3 од 12 удари од поле и го заврши мечот со 13 поени и 10 скока.
Филалделфија, по стартниот пораз од Минесота, забележа пет победи. Изминатата ноќ ги победија Вашингтон Визардс со 146:128. Лидер на тимот беше актуелниот МВП од регуларниот дел на минатата сезона, Џоел Ембид со 48 поени и 14 скока. Ембид 40.пат во кариерата постигна најмлаку 40 поени на натпревар.
Во ноќта зад нас се случи и првиот пораз на Бостон во новата сезона. Селтикс по едно продолжение загубија од Минесота 114:109.
Херој на домашната победа беше Ентони Едвардс со 38 поени, 9 скока и 7 асистенции. Го следеше Џејден МекДаниелс со 20 поени, а Руди Гобер имаше 14 поени и 12 скока.
Во тимот од Масачусетс, Џејсон Тејтум постигна 32 поени, додека Џејлен Браун, сопственикот на најголемиот договор во историјата на кошарката, забележа 26 поени и 7 скока.
