Фудбалерот Силас Катомпа Мвумпе пристигна како големо засилување на Црвена звезда од германски Штутгарт, а зад него има неверојатна приказна. Неговата кариера на почетокот ја обележаа измами и манипулации.

Пролетта во 2021 година, Силас, самиот призна дека бил жртва на измама од поранешниот менаџер и дека играл под лажно име и идентитет. На почетокот на јуни 2021 година, фудбалерот на челниците на Штитгарт им открил дека тој не е Силас Вамангитука роден 1999 година, туку дека е Силас Катомпа Мвумпе, роден во октомври 1998 година во Киншаса, ДР Конго.

Менаџерот измамата ја започнал во 2017 година кога фудбалерот бил на прба во Андерлехт. Иако бил пред трансфер во Андерлехт, менаџерот го советувал да се врати во ДР Конго пред да му истече визата и повторно да аплицира за влез во Европа.

Како млад играч без искуство и поддршка, Силас имал целосна доверба во менаџерот кој цело време го лажел. Во овој период, Мвумпа немле пристап до неговите финансии и документи.

Кога го направил лажниот идентитет менаџерот издејствувал трансфер во ФК Париз.

Пред три години Штутгарт објави дека му верува на фудбалерот и дека измамата менаџерот ја направил за да ги раскине врските помеѓу фудбалерот и неговиот матичен клуб од ДР Конго, со цел ФК Париз да не плати обесштетување. Силас потоа од ФК Париз се пресели во Шутугарт.

Блесна во вториот дел од сезоната 2020/2021, кога и реши да открие дека цело време играл со лажен идентитет.
Штутгарт и фудбалерот за ова потоа ги информирале Бундес лигата и Фудбалскиот сојуз на Германија, кој му изрече три месечна суспензија и парична казна од 30.000 евра.