Калвин Филипс (27) не го оправда трансферот во Манчестер сити. Англискиот репрезентативец во ниту еден момент не успеа да се наметне кај Пеп Гвардиола.

Филипс ваа сезона забележа шест настапи во сите натпреварувања, а откако пристигна во Сити од Лидс Јунајтед во летото 2022 година, забележа 27 настапи. Фудбалерот мака мачи со формата, повредите и физичка подготвеност. Поради тоа нема место во плановите на Гвардиола.

Калвин Филипс сака да игра за Англија на Европското првенство, а за да се избори за место во репрезентацијата мора да игра редовно. Поради тоа можно е во јануарскиот преоден рок да се пресели во Јувентус.

Наводно Гвардиола нема да се противи на овој трансфер.

Јувентус е во потрага по играчи од средниот ред, откако Пол Погба беше суспендиран поради допинг, а Николо Фаџоли поради обложување.

Интерес за Филипс покажаа Вест Хем и Њукасл, но тие не се подготвени да платат 50.000.000 евра за неговиот трансфер.