ФИФА предложи, а ИФАБ едногласно одобри две измени во Правилата на фудбалската игра на специјална седница во Ванкувер. ИФАБ е кратенка за Одбор на меѓународни фудбалски асоцијации. Тоа е највисокото и најстарото тело одговорно за утврдување и менување на правилата на фудбалската игра. Организацијата ја потврди имплементацијата на новите правила, кои ќе стапат во сила на Светското првенство, кое започнува за 50 дена.
Во Ванкувер, ФИФА одобри правило наречено „Лекс Винисиус“. Ова правило ќе резултира со црвен картон за секој што ќе ја покрие устата за да му каже нешто на противникот. Со ова се исполнува она што Џани Инфантино го најави пред неколку недели.
Претседателот на ФИФА беше за спроведување на оваа мерка, која сега успеа решително да ја протурка. Поводот за својувањето на ова правило беше аферата од февруари и натпреварот помеѓу Бенфика и Реал во Лигата на шампионите.
Тогаш, Винисиус и Мбапе тврдеа дека противничкиот играч Џанлука Престијани го нарекол Бразилецот на Реал мајмун, но дека тоа не можело да се прочита од неговите усни бидејќи ги покрил со дресот додека изговарал расистичка навреда.
Аргентинскиот играч од средниот ред на Бенфика беше суспендиран на три натпревари по истрага, но поради хомофобија. Тој призна дека му рекол на Винисиус дека е „пе.ер“ и дека бил казнет за тоа, но она што го тврдеше Винисиус, дека го навредил расистички, не беше докажано.
Сепак, ова беше причината ФИФА да го донесе споменатото правило, а тоа беше договорено на последното собрание во февруари, веднаш по натпреварот помеѓу Бенфика и Реал.
„ИФАБ, на својата поседба седница одржана во Ванкувер, Канада, едногласно одобри две измени во Правилата на играта, предложени од ФИФА, за справување со дискриминаторското и несоодветното однесување“, се вели во соопштението.
Друга промена е дека играчите кои го напуштаат теренот во знак на протест, исто така, ќе бидат казнети со црвен картон. Ова е одговор на она што се случи во финалето на Африканскиот куп на нации помеѓу Сенегал и Мароко.
„Судијата може да казни со црвен картон секој играч што ќе го напушти теренот во знак на протест против одлуката на судијата. Ова ново правило ќе важи и за членовите на тренерскиот персонал кои ги охрабруваат играчите да го напуштат теренот“, објаснува ИФАБ.
Оваа промена на правилото беше мотивирана од настапот на репрезентацијата на Сенегал во финалето на Африканскиот куп на нации против Мароко. Потоа Сенегалците, огорчени од судењето за домаќините на натпреварувањето, демонстративно го напуштија теренот. Подоцна, се вратија и победија, но последователно им беше одземен трофејот токму затоа што го напуштија теренот.
