Фудбалерите на Феенорд го освоија трофејот во Купот на Холандија по 14-ти пат во историјата.

Тимот од Ротердам го победи НЕК од Нијмеген со резултат 1:0. Победникот на „Де Кајп“ во Ротердам го реши голот на бразилскиот напаѓач Игор Паишао во 59. минута.

Феенорд го освои трофејот во Купот за прв пат по 2018 година, со што стави крај на четиригодишната доминација на Ајакс и ПСВ, кои во меѓувреме освоија по два купа.

Со 14 трофеи, клубот од Ротердам е на второто место на вечната листа зад неприкосновениот Ајакс кој има 20, ПСВ е трет со 11 пехари.

Од 73. минута Феенорд имаше играч помалку на теренот поради исклучувањето на Јанкуба Минте, но НЕК и покрај иницијативата на теренот не успеа да израмни.

Тимот од „Де Кајп“, на четири кола пред крајот на холандскиот шампионат на втората позиција со девет бода помалку од ПСВ и веќе обезбеди пласман во Лигата на шампионите следната сезона.