Финализиран е двојниот трансфер помеѓу Баерн Минхен и Манчестер Јунајтед. Матијс де Лихт и Нусаир Мазрауи ја засилија одбранбената линија на „црвените ѓаволи“.

Де Лихт потпиша четири годишен договор, а Мазрауи ќе остане на „Олд Трафорд“ најмалку четири сезони.Манчестер Јунајтед за овој пакет издвои фиксни 60 милиони евра.

Двајцата фудбалери веќе имаат искуство со работа со Тен Хаг. Холандскиот стручњак им беше тренер во еден период во Ајакс.

Холанѓанецот на тој начин продолжи да носи играчи во Јунајтед кои ги познава од претходно, бидејќи во меѓувреме веќе пристигнаа Андре Онана, Антони, Лисандро Мартинез …