Серхио Родригез, во светот на кошарката позната како Чачо по освојувањето на шпанското првенство, одлучи да стави крај на кариерата.
Чачо е трикратен шампион на Евролигата (2015, 2019, 2023), МВП на елитното европско натпреварување во 2014 година, четирикратен шампион на шпанската лига (2013, 2015, 2016, 2024 година).
Кариерата ја започна во Естудијантес во 2003 година и таму остана до 2006 година. Откако истата година го освои Светското првенство со Шпанија, замина во НБА. Беше 27. пик на драфтот на Феникс Санс, играше за Портланд Трејл Блејзерс, Сакраменто Кингс и Њујорк Никс. Шест години беше во НБА, а потоа се врати во Европа, потпиша договор со Реал Мадрид.
Во годините што следеа, тој му помогна на Реал да дојде до четири фајналфор и три финалиња во Евролигата, вклучувајќи ја и титулата во 2015 година. По уште една сезона во САД помината во Филаделфија, тој се пресели во ЦСКА Москва, каде ја освои втората титула во Евролигата.
Од Москва замина во Олимпија Милано, стана шампион на Италија во 2022 година, а потоа реши да се врати во Реал.
Лани стана европски првак со Реал, а оваа сеозна го загуби финалето од Панатинаикос, но ги освои трите домашни трофеи (АЦБ лига, Куп, Суперкуп).
Вкупно 17 клупски трофеи ја покажуваат играчката величина на Родригез, а уште седум медали во националниот тим се причината поради која тој во кариерата се најде меѓу легендите. Со селекцијата на Шпанија освои два олимписки медали (сребро во Лондон 2012 година и бронза во Рио 2016 година). Веќе споменатото злато во 2006 година во Јапонија и четири европски медали (злато во 2015 година, сребро во 2007 година, бронза во 2013 и 2015 година).
