Времето денеска ќе биде променливо облачно со сончеви периоди, а претпладне во одделни котлини се очекува појава на магла, соопштуваат од УХМР. Во северозападните делови ќе има слаб локален дожд, а ќе дува слаб до умерен северен ветер.

Минималните температури ќе се движат од 2 до 9, а максималните од 10 до 15 степени.

Во Скопје претпладне се можни услови за магла, додека преку ден ќе преовладува променливо облачно време со сончеви периоди. Температурите ќе се движат од 5 до 12 степени.

Метеоролозите најавуваат стабилно и релативно топло време во текот на новата седмица под влијание на висок воздушен притисок, со можност за магла во утринските и вечерните часови во пониските котлини.