„Државниот завод за ревизија утврдил дека првата и втората фаза од железничкиот Коридор 8 не биле завршени, а државата платила 4,6 милиони евра провизии за неповлечени средства. ДЗР констатирал неефикасно управување со овие стратешки проекти. Со тоа, проектот доцнел со години, а граѓаните плаќале милионски провизии, а не добиле никаков инфраструктурен резултат“, вели Алексадар Велјановски, пратеник на ВМРО-ДПМНЕ.

„Дополнително, ДЗР тогаш предупредил и на ризик од губење на 61 милион евра ИПА грант за третата фаза на железничкиот Коридор 8. Ова не смее да остане само ревизорски наод. Бараме Јавното обвинителство да реагира и да го истражи извештајот на ДЗР.

ЈО да утврди како настанале 4,6 милиони евра провизии, кои лица биле одговорни за доцнењето и дали со нивното постапување или непостапување е предизвикана штета за државата.

Ова е само дел од владеењето на СДС и ДУИ, кои ние денес го плаќаме на различни начини. Не сме исти. Разликата е евидентна“, изјави Алексадар Велјановски, пратеник на ВМРО-ДПМНЕ.