Многу лета во Македонија сме сведоци на разорни пожари што честопати уништуваат значителни земјоделски површини и предизвикуваат огромни финансиски загуби за земјоделците. Овие пожари ја загрозуваат егзистенцијата и имаат огромно влијание врз економијата.

Екстремните топлотни бранови и суши придонесуваат за појава и ширење на пожари. Неретко плодни региони се сериозно погодени и имаат стотици хектари почва на која се одгледува богат род и шуми буквално уништени од пламенот. Овие пожари не само што ја уништуваат жетвата туку и ја нарушуваат плодноста на земјата за следните сезони.

Да се осигураат земјоделските имоти е важен инструмент за управување на ризикот и заштита на приходите од непредвидени катастрофи како што се пожари, поплави и суши. Според АСО (Агенцијата за супервизија на осигурување) во првите пет месеци на 2024 година е забележан раст на осигурувањето на земјоделски имот од 15% во спореддба со лани. Поддршката за земјоделците, осигурувањето на земјоделските имоти во  осигурителните компании е исклучително важно со цел зајакнување на  отпорноста во земјоделскиот сектор.

Глобалното затоплување, константните температури над 40 степени целзиусови, се сигнал дека осигурувањето е повеќе од потреба, и дека не треба да има дилеми дали е потребно или не. Од друга страна тековните пожари се само потсетник за важноста на осигурувањето и виталната улога што ја игра не само за домовите, туку и за сите видови имоти (меѓу кои се и земјоделските поседи). Во време  кога е зголемен ризикот, осигурувањето е клучно средство за заштита на имотите и егзистенцијата на секој човек, компанмија, земјоделска задруга или земјоделец индивидуиалец, независно од областа на професионално делување. Земјоделието е особено подложно на надворешните услови и токму затоа е важно да се осигураат производствените капацитети за да се заштитат од неизвесна иднина.

Осигурувањето не е само трошок туку е инвестиција во сигурноста и стабилноста, како во работата, така и во животот.