Уставниот суд денеска изрече времена мерка со која се запираат дејствијата што произлегуваат од три одредби на Статутот на Општина Кисела Вода и од автентично толкување на општи и посебни одредби на донесени урбанистички планови и урбанистичко планска документација од страна на Општина Кисела Вода, донесена на седницата на 26 април 2022 година, како и решението.

Портпаролката на Уставниот суд Христина Беловска на прес-конференција посочи дека  Судот изразил сомнеж дека Општината излегува од своите надлежности со тоа што прави автентично толкување на своите акти, а тоа е надлежност на Собранието.

-Исто така и таму има донесено времена мерка запирање на активностите кои се произлезени од тоа автентично толкување и на статутот, информираше Беловска.

Претходно на на седницата на Уставниот суд беше посочено дека и други општини имаат статути врз основа на коишто тие сами си прават автентични толкувања наместо тоа да го прави Собранието. Можно е Уставниот суд да ги разгледува и статутите на другите општини.

Портпаролката Беловска кажа дека и оваа иницијатива, како и онаа за упатството за матична евиденција која беше на денешната седница, е спроведено по сопствена иницијатива на Уставниот суд.

До Уставниот суд имаше поднесено иницијатива во однос на автентичното толкување на општи акти од страна на Општина Кисела Вода, а Уставниот суд ги прошири сомнежите за неуставност и затоа поведе постапка за три одредби од статутот на општината врз основа на кои се носат тие автентични толуквања.