Два мобилни телефони од лице вработено во Академијата за судии и јавни обвинители, како и видео запис и две досиеја за еден поранешен и еден актуелен кандидат на Академијата се одземени за време на претресот во Академијата, во рамки на предметот против врховниот судија, Наќе Георгиев.

Од Обвинителството информираа дека при анализа на телефонот на осомничениот, дошле до сознанија кои упатуваат на можно сторување на друго кривично дело.

Врховиот судија Наќе Георгиев беше уапсен во мај, годинава, поради мито од 10.000 евра со цел да намести случај во полза на обвинет.