Во оваа трагдеија што се случи во државата практично функционираме како едно, се со цел да им дадеме максимална поддршка и максимално згрижување на сите пациенти. Сметам дека и понатаму концентрацијата нема да опадне и ќе одговориме со исто ниво и подобро од ова што се случува до сега, кажа директорката на КАРИЛ, Марија Срцева Јовановски.
Таа извести дека на Клиниката за анестезија, реанимација и интензивно лекување (КАРИЛ) денеска е примен пациент со повреда од огнено оружје
„Во моментот се прават иследувања, состојбата е релативно стабилна и пациентот потоа ќе продолжи со лекување веројатно на Клиниката за пластична хирургија“, одговори Марија Срцева Јовановски на новинарското прашање.
