Пратениците во Собранието со 82 гласа „за“, донесоа одлука за формирање на анкетна комисија за скандалот со лекови на Клиниката за онкологија.

Предлогот беше поднесен од пратениците од ВМРО-ДПМНЕ.

Анкетната комисија, како што беше посочено на седницата, треба да утврди дали со тој скандал биле загрозени основните човекови права на пациентите кои се лекувале на Онкологија откако КАТО системот за подготовка на цитостатиците бил ставен надвор од употреба, како и да направи анализа за утврдување на политичка одговорност.

Одлуката беше поддржана и од пратениците од СДСМ, а пратеникот Ненад Коциќ  рече дека ако имало злоупотреби треба да бидат објавени со име и презиме.