Од ЦУК информираат дека од утринските часови има интензивни активности за ставање под контрола на пожарите во селата во областа Каршијак.

На терен е и директорот на центарот Мухамед Али кој заедно со надлежните служби и екипи ја следи и координира состојбата.

„Наш приоритет е заштитата на планината Китка и спречувањето на ширењето на пожарот кон населените места.
На терен се ангажирани сите расположливи државни ресурси: 3 авиони на Дирекцијата за заштита и спасување, екипите на Противпожарната бригада на Град Скопје, како и екипите на Национални шуми“.

Во моментов, според последната информација од ЦУК, нема опасност за селото Палиград, ниту за другите населени места во областа Каршијак.

Ќе се продолжи со непрекинато следење на состојбата и интензивна интервенција до целосно стабилизирање на ситуацијата, нагласуваат надлежните.