Симона Стојкова, која вчера беше пријавена за исчезната, објави на „Фејсбук“ дека веста за нејзиното исчезнување е лажна.

„Драги пријатели, сите што ме познавате лично и оние што не ме познавате – објавата што денес се прошири дека сум исчезната е ЛАЖНА!!! Се кренала лажна тревога!!! Ви благодарам за трудот и загриженоста да ме најдете, но навистина се работи за лажна тревога. Поздрав!“, напиша Стојкова.

Вчера на интернет страницата „najdime.org.mk“ беше објавено дека Стојкова (35) е исчезната. Објавата беше споделувана од корисниците на социјалната мрежа. Според тоа што беше објавено на интернет-страницата, наводно таа се јавила со врискање на денот на исчезнувањето (23.04.2025).

Подоцна од МВР информираа дека кај нив нема пријава за таков случај.