СДСМ го осудува нападот на новинарската екипа на ТВ 24 кој се случил за време на вчерашниот партиски митинг на ВМРО-ДПМНЕ.  Од СДСМ велат дека тоа е недозволиво.

„За жал, нема никаква промена во ДПМНЕ. Нападите на новинарите и злоупотребите на медиумите го покажуваат вистинското лице на Мицкоски и неговата партија.

Слободата на говорот за нив е мисловна именка.

Напаѓаат и навредуваат новинари, монтираат анкети, јавниот сервис го користат како месен комитет на партијата – однесување препознатливо за мрачните времиња од владеењето на Груевски.

Мицкоски секојдневно докажува дека е копија на неговиот ментор од Будимпешта“, се вели во соопштението на СДСМ.