„СДС денеска со своето соопштение се нокаутира. Сакаме да ги потсетиме од СДС дека во самата нивна Програма за финансиска поддршка во земјоделството за 2024 година имаат нотирано дека заостанати обврски по мерки од Програмите за финансиска поддршка во земјоделството од 2020, 2021, 2022 и 2023 година се во износ од 3.349.462.340,00 денари“, реагира ВМРО-ДПМНЕ на соопштението на СДСМ.

„Сето ова може да се пронајде во Службен весник, бр. 17 од 24.01.2024 година.

Ги советуваме СДС да не се срамат повеќе, туку нека гледаат сега како работи Министерството за земјоделство, шумарство и водостопанство и нека учат како се работи. Веќе нема да има незадоволни земјоделци.

Ерата на лошо управување со Министерството за земјоделство, шумарство и водостопанство заврши“, се додава во реакцијата на ВМРО-ДПМНЕ на соопштението на СДС