Пожарникарите од Територијалната противпожарна единица Старо Нагоричане вчера извршија спасувачка интервенција во Основното училиште во селото Младо Нагоричане, во маалото Ѓорговци.

Вработените во училиштето околу 10 часот пријавиле дека куче паднало во длабока шахта во дворот на објектот. На местото пристигнало едно возило и двајца пожарникари од ТППЕ Старо Нагоричане, кои по едночасовна интервенција успеале безбедно да го извлечат животното.

Интервенцијата завршила околу 11 часот.