Вечерва во 20 часот во амфитеатарот на Младинскиот парк во Велес на отворено ќе започне проекцијата на серијалот „Црвениот поет“ посветен на поетот и револуционер Коста Солев Рацин. Серијата е во продукција на „Сектор филм,  сценариото е на Сашко Насев, режија на Никола Поповски.

Општина Велес ги обезбеди авторските права за серијата која досега не е емитувана ќе можат да ја проследат на отворено, бесплатно сите заинтереисрани од Велес и други градови. Освен вечерва и во вторник и среда во 20 часот ќе се одржи проекција во амфитеатарот на Младинскиот парк.

– ТВ серијата „Црвениот поет“ е снимана во 2016 година и досега на е емитувана на националните телевизии, информираа од Општина Велес и ги повикаа сите заинтересирани да дојдат и бесплатно да ја видат оваа интересна серија посветена на големиот велешки и македонски поет Рацин, познат насекаде во светот по неговите „Бели Мугри“, преведена на сите светски и голем број други јазици.

Во серијата која има 10 епизоди главниот лик на Коста Солев Рацин го игра актерот Александар Ристоски.

Проекцијата е дел од програмата на годинашните јубилејни 60. Рацинови средби во Велес.

Воедно, Општина Велес во пресрет на Рациновите средби деновиве целосно го реновира  амфитетарот, а на бетонската подлога постави и дрвени седишта за поголема удобност на сите посетители.