Oпштина Гевгелија е најотворена општина заедно со уште 14 единици на локални самоуправи според Индексот на отвореност за 2024 година, чие мерење за процена на добро владение во единиците на локална самоуправа го прави Фондацијата за интернет и општество „Метаморфозис“ во партнерство со Рурална коалиција, а со поддршка од Владата на Швајцарија преку Програмата „Цивика мобилитас“. Имено, Општина Гевгелија го дели 9. место заедно со Општина Градско, со индекс на отвореност за 2024 година од 54%.

Во Извештајот за процена на доброто владеење во единицте на локалната самоуправа преку индексот на отвореност е наведено дека Општина Гевгелија, со висок индекс од 71% и е прва помеѓу 7 локални самоуправи, е најпосветена на планирање и изработка на програми за работа, стратегиски документи за развој, реализација на годишните планови, известување и користење индикатори за мерење успешност на спроведувањето на политиките.