Санацијата на дефектот на системот за наводнување „Макарија“ е во завршна фаза, што значи сезоната на земјоделците во нашиот крај ќе биде спасена, информираше денеска росоманскиот градоначалник Стојан Николов.

– Секојдневно работиме во интерес на граѓаните и решавање на нивните проблеми, нагласи тој.

Хаваријата на сифонот на левиот магистрален канал на системот Макарија, од кој се наводнуваат земјоделски површини во Росоманско, се случи на 27 мај. Николов тогаш појасни дека проблемот ги засега сите сопственици на земјоделски имоти по левата страна од течението на Црна Река, до испустот кај селото Ногаевци.

При увид на работите на санацијата на самото место на 19 јуни, премиерот Димитар Ковачевски нагласи дека системот Макарија е од исклучителна важност за наводнување на земјоделските површини во росоманскиот регион, што е клучно за земјоделците да ги добијат очекуваните приноси и да имаат квалитетно производство.