Корисниците од улиците „Зеничка“, „Тајмишка“, „Душан Тасковиќ“ и дел од улицата „Коце Металец“ во општина Гази Баба денеска од 9 часот ќе немаат вода.

Како што соопшти ЈП Водовод и канализација-Скопје, прекинот во водоснабдувањето е поради интервенција во шахта на улица „Зеничка“ бр.13 и ќе трае до нејзино завршување.

Од 9 часот без вода ќе остане и објектот на болницата „Жан Митрев“ во општина Карпош поради изведување водоводен приклучок на бул. „Осми Септември“ бр.9.  Прекинот ќе трае до завршување на зафатот.