Премиерот Христијан Мицкоски одговарајќи на новинарско прашање, каков вид на проекти се предвидува со одлуката за проектите за капитални инвестиции за општините од сегментот на Министерството за животна средина и просторно планирање, бидејќи дел од обвинувањата се дека оваа област е запоставена, информираше дека Владата инвестира во проекти коишто дел се за заштитата на животната средина.

Според него почнуваат да се реализираат проектите за пречистителните станици во Битола и скопската, а се очекува да отпочне и проектот за пречистителната станица во Тетово, за што се предвидени 680 милиони денари.

„Да има, има и такви проекти. Се разбира животната средина е наш приоритет и многу се вложува тука се работи на тоа, бидејќи тоа им е потребно на граѓаните. Има некаде околу 700 мислам дека е околу 680 милиони денари најточно, проекти коишто се дел од заштитата на животната средина и продолжуваме понатаму да инвестираме во животната средина во оние програми коишто веќе ги имаме од минатото.

Добив информација дека почнува проектот постепено да се реализира за пречистителната станица во Битола. Слично нешто очекувам и за Тетово, скопската гледам почнува да се задвижува, сега сакам да кажам дека апсолутно ни се приоритет тие проекти“, изјави Мицкоски.