Повиците за ветинг од Демократската унија за интеграција (ДУИ) за целиот 33-годишен период на плурализам се без поддрка од Владата. Премиерто Христијан Мицкоски денес рече дека Владат има поважни работи

„Што се однесува до ветингот, со таа тема веќе е заморена и јавноста. Ветинг на судии, ветинг на не знам што, ветинг на ДУИ, ветинг на ветинг и така натаму, мислам дека имаме многу поважни работи да решаваме, проблеми кои ги остави ДУИ отколку да се занимаваме со некои измислени теми“, рече премиерот денес при посетата на обновената Клиника за уво, нос и грло.

ДУИ смета дека не може да има функционална држава и праведно општество без сеопфатен процес на ветинг со меѓународен надзор, кој ќе донесе транспарентност, отчетност и одговорност на сите нивоа на власта. Од партијата денес обвинија дека ветингот не го сакаат тие што донираат јавни имоти, прифаќаат сомнителни српски донации и градат дивоградби.