Да видиме како ќе работи новиот претседател на Судскиот совет, рече премиерот Христијан Мицкоски во куса изјава одговарајќи на новинарско прашање за изборот на Камбовски.

„Немам коментар. Пречесто некако коментираме, па пречесто експертите ги коментираат нашите коментари. Јас немам што да кажам ниту пак да дополнам на тоа што се случува. Да видиме како ќе работи новиот претседател на Судскиот совет“, рече Мицкоски за време на пуштањето во употреба на спортската сала „25 Мај“ во Општина Радовиш.

Денеска, Советот, на 510-тата седница, со 13 гласа го избра Александар Камбовски, кој доаѓа од Апелација во Битола, а беше избран за член на Советот во јуни минатата година.