Европската перспектива е важна за сегашните но уште повеќе за младите, за идните наши генерации, имаме историска шанса и одговорност наша е да се изборите за европски вредности и европски стандарди, рече потпретседателот на СДСМ, Перо Костадинов денеска на трибина Повеќе за сите во Неготино.

-Нас како општество ни е неопходен тој европски, социјален, еколошки и економски напредок кој носи благосостојба, правда и подобри услови за сите граѓани, но воедно и создава вредности за идните генерации. Како одговори луѓе имаме одговорност пред идните генерации да им ја обезбедиме европската перспектива, европските вредности и европски стандарди дома, во сопствената татковина. Имаме историска шанса.

Затоа, претстојните избори се референдум кој правец ќе го фати земјата, дали ќе продолжи напред по европскиот пат или ќе се врати назад. Убеден сум дека граѓаните ќе изберат напредок и членство во ЕУ, рече Костадинов.

Социјалдемократските вредности за солидарност и грижа за сите ги преточивме во политики и мерки со кои сите добиваат повеќе, затоа што секој заслужува повеќе, додаде тој.

-Во изминатите години СДСМ врати над 2,6 милијарди евра назад кај граѓаните и стопанството. Само со последниот 9 ти пакет антикризни мерки 662 милиони евра обезбедивме за финансиска поддршка на пензионерите, студентите, учениците, ранливите, компаниите. Ги помагаме сите во моменти кога тоа им е најпотребно, рече потпретседателот Перо Костадинов на трибината во Неготино.