Во изминатиот период беа формирани работни групи за изготвување на предлог на Законот за изменување и дополнување на Законот за Судски совет и предлог измени на Кривичниот законик.
За претседател на работната група за изменување и дополнување на Законот за Судски совет именувана е Мирјана Лазарова Трајковска, судија во Врховен суд на РСМ, информираат од Министерството за првада.
„Членови на работната група се: Д-р Денис Прешова, вонреден професор на Правен факултет ,,Јустинијан Први” – Скопје; Д-р Александра Деаноска Трендафилова, професорка на Правниот факултет ,,Јустинијан Први” – Скопје; Александар Камбовски, Претседател на Судски совет на Република Северна Македонија; Аритон Ала, член на Судски совет на Република Северна Македонија;
Зоран Герасимовски, судија во Апелационен суд Скопје; Исмета Амет, судија во Виш управен суд на РСМ; Ивана Петковска, претставник на БЛУПРИНТ групата на граѓански организации; Јелена Кадриќ, претставник на БЛУПРИНТ групата на граѓански организации; Александра Цветановска, посебен советник на министер во Министерство за правда на РСМ; Николина Микеска Костадиновска, раководител на сектор правосудство, Министерство за правда на РСМ.
За претседател на работната група за изготвување на предлог измени на Кривичниот законик именувана е Д-р Александра Деаноска Трендафилова, професор на Правен факултет ,,Јустинијан Први,, – Универзитет ,,Св.Кирил и Методиј,,- Скопје
Членови на работната група за измени и дополнувања на кривичниот законик се:
Цветанка Периќ, судија во Врховен суд на Република Северна Македонија; Елвин Вeли, јавен обвинител во Јавно Обвинителство на Република Северна Македонија; Даниела Алексовска Стојановска, судија во Основен кривичен суд Скопје; Владимир Туфегџиќ, адвокат; Жарко Хаџи-Зафиров, претставник на БЛУПРИНТ група на граѓански организации; Никола Прокопенко, државен советник за казнено законодавство во Министерство за правда на РСМ.
Од Министерството за првада очекуваат во најскоро време работните групи да излезат со предлог законски решенија.