Премиерот на Македонија, Христијан Мицкоски извести дека во рамки на посетата во Брисел, на маргините на Конгресот на Европската народна партија, била остварена средба со Андреј Пленковиќ.

„На средбата беше разменето мислење за актуелните предизвици во Европа, регионалната соработка и европската перспектива, со посебен акцент на унапредување на билатералните односи и партнерството во рамки на европското семејство“, информираше Мицкоски.