Финансиската полиција во понеделник ќе влезе во Град Скопје, а во врска со набавката за новогодишното украсување.

Претходно, градоначалничката на Град Скопје, Данела Арсовска информираше дека распишала јавен повик за новогодишното украсување од 30.000 евра и дека бил спроведен транспаретно, но не го објави склучениот договор.

„Украсувањето на градскиот плоштад, главните сообраќајници и новогодишниот базар се финансирани преку јавен повик, кој беше објавен согласно актите и прописите како и сите останати јавни повици“, објави Арсовска на Фејсбук која не одговара на прашањата на новинарите.