Во Охридската сала на Собранието, Данка Ристова и Аритон Ала, членови на Судскиот совет, дадoa свечена изјава пред претседателот на Собранието, Африм Гаши и генералната секретарка на Собранието, Марина Димовска.

Изборот на Ристова, која е судијка на штипска апелација, за нов член на Судскиот совет претходно предизвика реакции во јавноста бидејќи е сопруга на градоначалник од редовите на владејачката ВМРО-ДПМНЕ.

Во таа насока, Ристова рече дека повеќе од 30 години работи во правосудството и не остава простор за политички влијанија во работата.