4 септември 2024 г. – Сите љубители на спортот можат да здивнат, бидејќи на Weekend.17 пристигнува едно од најголемите имиња во светот на фудбалот. Претседателот на УЕФА Александер Чеферин ќе биде специјален гостин на овогодинешниот фестивал кој ќе се одржи во Ровињ од 19 до 22 септември. Чеферин во ексклузивен формат “еден на еден” ќе ги сподели своите размислувања и искуства за клучните теми што ја обликуваат иднината на најгледаниот спорт во светот – фудбалот.

Од почетоците до водечката позиција на најмоќната спортска организација

Weekend.17 е водечки регионален фестивал за комуникации, медиуми, технологии и креативност, а оваа година ги собира и некои од најголемите експерти од светот на спортот и бизнисот. Александер Чеферин е тука за да ја раскаже својата фасцинантна приказна – од самиот почеток до подемот на врвот на една од најмоќните спортски организации во светот. Учесниците на Weekend.17 ќе имаат можност да слушнат сè за предизвиците и пресвртниците кои ја обликувале неговата кариера, како и за ставовите на Чеферин за тековните и идните предизвици во светот на спортот.

Суперлигата и нејзиното влијание врз светот на фудбалот

Една од клучните теми во Ровињ ќе биде контроверзната Суперлига и нејзиното влијание врз светот на фудбалот. Дали Суперлигата е потребна? Дали новиот формат на Лигата на шампиони е одговор на обидот за формирање на Суперлига? Дали Суперлигата е неизбежна или дали може УЕФА да ја контролира? За сето ова, дознајте од прва рака од Александер Чеферин, кој ќе зборува за динамиката која доведе до создавањето на овој проект и за неговите импликации за иднината на фудбалот.

Управување со милиони

Бидејќи најголемата заработка на УЕФА доаѓа од телевизиските права, ќе ја допреме и темата за управување со милијарди евра што се вложуваат во медиумските права за фудбалот. Чеферин ќе објасни како УЕФА ги балансира интересите на различните учесници во индустријата и како овие ресурси се користат за развој на фудбалот на сите нивоа.

Нов формат

За време на разговорот Чеферин ќе го претстави и новиот систем на натпреварување во УЕФА, ќе ги објасни воведените промени и иновации за дополнително унапредување на натпреварувањето и кои ќе го направат уште повозбудливо за гледачите и учесниците. Учеството на Александер Чеферин на Weekend.17 ќе биде можност за сите љубители на спортот, но и за професионалците од медиумите и индустријата, да дознаат повеќе за иднината на фудбалот и предизвиците со кои се соочува овој глобално популарен спорт.

Фестивалот Weekend Media секогаш ги следи актуелните трендови и клучни прашања, обезбедувајќи простор за наоѓање одговори и решенија. Програмата е достапна тука, а сите новости можете да ги следите преку нашите профили на Facebook, Instagram и LinkedIn.