Полицијата во јужниот индиски град Бангалор ја прекина улична свирка на британската поп ѕвезда Ед Ширан, велејќи дека тој ги нема потребните дозволи, објави во понеделникот Би-би-си.
Видеото на кое се гледа како локален полицаец го исклучува микрофонот на Ширан на прометната улица во Бангалор стана вирално на социјалните мрежи.
Ed Sheeran seems like such an awesome guy
he was street busking in Bangalore and the police came and unplugged him 😭 pic.twitter.com/khWD9BACC9
— Sheel Mohnot (@pitdesi) February 9, 2025
Официјални лица изјавија за новинската агенција АНИ дека барањето на тимот на Ширан да свири на улица било одбиено за да се избегне метеж во областа.
Но, Ширан на Инстаграм рече дека „имале дозвола да свират“.
„Затоа, нашето свирење на таа локација беше однапред договорено. Не случајно се појавивме таму. Но, сè е во ред. Се гледаме вечерва на концертот“, додаде тој.
