Компанијата „Рокстар гејмс“ објави нов трејлер за долгоочекуваната видеоигра ГТА 6, која треба да излезе на 19 ноември.

Трејлерот трае минута и половина и открива нови детали за главните ликови, Џејсон и Лусија, како и за отворениот свет на играта.

Во фокусот е проблематичното минато на Џејсон, кој открива дека ја напуштил војската во лоши односи. Прикажани се и сцени со Лусија, која носи електронска алка за следење, како и бројни акциони секвенци.

Новиот трејлер се фокусира на атмосферата, приказната и филмските сцени.Рокстар потврди дека прикажаниот материјал е снимен на PlayStation 5.

Играта ќе биде достапна за PlayStation 5 и Xbox Series X/S на 19 ноември 2026 година.